Inauguración do novo local da R. e I. Cofradía da Dorna

O viendeiro Sabado 19 de Marzo de 2011 ás 13:00 terá lugar a Inauguración do novo local da R. e I. Cofradía da Dorna, sito nos baixos do Palco de Pedra, no malecón Ribeirense. Este local pasará a ser a nova sede da A. C. Real e Ilustre Cofradía da Dorna.

Fotos dorneiras 2010

    Agora que xa estamos na conta a tras para a Festa da Dorna 2011, pois xa quedan menos catro meses, saen á luz as fotos dorneiras que durante a pasada edición estivo a sacar o noso fotografo dorneiro Alberto Besada (tamén fai bodas bautizos e comunions). No 2010 a Dorna celebrouse en tres fins de semana consecutivos, no primeiro o Venres tivemos de mañán o Facho Dorneiro, actividade organizada esta vez polos Serráns Mais Marráns que se está a converter no punto de partida da Festa dende hai xá tres singladuras; pola tarde celebrouse o Enjalanamento de Fanequeiras, como ven sendo habitual organizan ratos da Illa e Muxo Beti, e mais un certame de bailes multiculturais a cargo da escola O Tomassón; xa pola noite tivo lugar o Juateke dorneiro que se alargou ata sair o sol e no que tivemos o DJ Rics, membro da histórica peña Os Cabuxos do Mar. O sabado celebraronse os xogos de terra e pola noite o Certame Itinerante de Canción de Tasca, organizado como ven sendo habitual polos Tabeiróns Caralludos, na final houbo 5 peñas as gañadoras de cada un dos percorridos, trala canción amenizaron a noite a charanga o Santiaguiño.




 
 O domingo tivo lugar O Jran Prix de Carrilanas, inusualmente puntual organizado esta vez por Arría o Jallo, como ven sendo habitual os vólidos feitos a machada e con eixos e rodas de madeira descenderon a costa da mamoa ata a praza do concello donde os agardaba o Rock in Muxo, os Muxo Beti levaron a dous ou tres grupos os cales deron un concerto dende a terraza do Pepe's Pub ao mais puro estilo beatle, a continuacion celebrouse o TabeiroKaraoke que co motivo do seu vinte aniversario organizaron os tabeirons caralludos na praza de Compostela diante da súa fanequeira Bar Plaza.

Despois destes días de troula descansouse ata o mércores cando voltou a subir a marea dorneira co Rockandorna do País, organizado por Marea Nejra e celebrado no Parque García Bayón, contando con 5 grupos locais dispostos a dar o callo pola festa, con estilos tan variados como punk, rock e hip-hop , ademáis celebrouse unha churrascada popular. Á par que todo isto celebrouse o Maratasón dorneiro, organizado polos Carallos de Rei, donde os dorneiros mais rápidos e con mens escrúpulos realizan as máis inverosímiles probas a unha ritmo de infarto.
 

 




















O Venres23 de Xullo este ano adicado a Carlos Bloque (dorneiro Histórico e un dos fundadores da dorna actual) iniciouse a xornada cos Xogos de Mar  e ao seu remate  tivo lugar a Jran Premio Icaro de Voo sen motor donde se admite calquer disfraz ou aparellos voador sempre que vaia alguén o auga. Xa pola noite celobrouse o tradicional exame de patróns donde o cada peña entregou o seu pertinente soborno e enviou o seu futuro patrón a pasar o exame mais singular sentado nunha silla electrica, tras-lo exame a marea dorneira conta con 8 novas peñas oficiais. Tralo examen seguindo tivo lugar o concerto do grupo Riff-Raff dentro do Rockandorna. O Final da noite foi amenizado polas charangas A Tuna Nejra (tamén son peña dorneira) e os Kilomberos de Monte Alto que contabamos con eles o día seguinte pero se animaron a vir un día antes.

O Sabado 24 de Xullo gran día da Dorna  iniciouse o día como é tradición coa Rejata de embarcacións feitas a machada e propulsadas a pan de millo, que se concentraron na avda do Malecón e percorreron o camiño ata a praia de coroso cun colorido desfile amenizado pola charanga Os Jalochos (formada por compoñentes de múltiples peñas dorneiras), unha vez celebrada a Rejata, organizada polos Persebes coma punhos, celebrouse a romería dorneira co tradicional reparto gratuito de empanadas e pizzas repartidas como sempre polos Ratos da Illa. Durante a romería tivo lugar unha nova sesión de xogos de terra, a semifinal e final do maratasón, e como non podía ser de outra forma o Campionato Mundial de Chinchimonei, organizado por Cajaboi Island. Chegando á hora da merende tivo lugar o Concurso de Ji-Jo coas esperadas peleas de Jalos, organizan Cabuxos do Mar e Derape Mental entre outras, a todo correr realizouse a entrega de trofeos e fomos todos a fume de carozo para o parque de pedra pateira á espera do TOP SECRET. Todolas peñas que se precien participaron nun colorido desfile polas rúas da cidade centenaria cantando o que se lles ocorrera ou seguindo o ritmo das charangas Os Jalochos e os Kilomberos de MonteAlto. Cando o TOP SECRET chegou de volta ao palco de pedra do malecon inciouse o Rockandorna fin de Festa no que participaron os grupos Kastoma e Los Coronas, e ao que axistiron miles de dorneiros e outra tanta xente que non quixo perder este evento.Como colofon da festa houbo unha pequena sexión de fogos de artificio á par que un grupo de músicos ribeirenses subiron a tocar o imno da Dorna. Tras interpretalo varias veces  chegouse ao asalto ás fanequieras amenizado pola charanga Os kilomberos de MonteAlto.

Esto foi a Festa da Dorna, mais como non se poden perder as tradicións e isto iniciose cun baile de gala, o sabado 31 de Xullo celebramos o Baile de Gala dorneiro, o cal e de gala de verdade e non se permite o acceso ao baile si non se leva a indumentaria adecuada. Este ano o Baile tivo lugar no Liceo Maritimo de Riveira e foi amenizado polo Dúo Yesterdey. Durante o Baile fixose entrega das distincións dorneiras que este ano tiveron como agraciados pola súa colaboración coa festa ao longo de moitisimos anos e que perdura hoxe en día á peña Tabeiróns Caralludos (por primeira vez se premiou a unha peña) e a Manuel Leira membro fundador dos Ratos da Illa. O máximo distintivo dorneiro, A Poutada de Ouro foi este ano para Juan Carlos Iglesias, máis coñecido como Carlos Bloque membro da peña Cajaboi Island e histórico dorneiro, recolleu o galardon a súa filla.

PONTE A ANDAR 2011

Xa temos novas andainas para o 23 de xaneiro, 20 de febreiro e 20 de marzo, e tes na web da Cofradía da Dorna:www.cofradiadadorna.com toda a información relativa a cada unha delas colocada dentro da sección PONTE A ANDAR (tamén hai un vínculo na páxina principal, premendo sobre o cartel das andainas)

Como xa se fixera en anteriores rutas non  é preciso inscribirse, pero sí aparecer con tempo suficiente no punto de partida (10 min. antes) xa que trataremos de respetar os horarios ó máximo para non dilatar a actividade. O traslado ata a saida facerase cada ún no seu coche (por eso se especifica o punto de partida). Recoméndase roupa e calzado cómodo e apto para camiñar polo monte, e tamén un bidonciño con auga. En todo momento estaredes acompañados polos monitores da Cofradía acatando as súas ordes tendo en conta que o facerán polo ben do grupo.

Coma sempre resaltar algunhas cousiñas:

- Fíxase un ritmo de camiñata de entre 4 e 5 km/h.

- Nenos: sempre acompañados dun adulto responsable deles, e que lles quede claro que os monitores tamén "mandan". E por suposto que sexan capaces de aguantar o ritmo da andaina (a partir dos 7-8 anos non suelen ter moito problema para acadalo).

- Animais de compañía: non se permitirán. E isto é innegociable: xa se avisou en ocasións anteriores que non se permitían cans e agora imos ser inflexibles ca norma.

- CALIFICACIÓN DAS RUTAS: esta é unha novidade importante, xa que a diferencia que ata agora neste ciclo témolas clasificadas en "dificultade baixa, media, ou alta" tendo sempre en conta as características das realizadas ata agora.

Saudos dende a ponte de mando.

Como cobrar a lotería dorneira de NADAL

Unha vez aclarados os problemas e mal entendidos coa entidada bancaria na que foi depositada a Lotería Dorneira de Nadal, queremos comunicar dende aquí a todos os que poseedes participacións da citada lotería que podedes pasar dende xá a cobralas pola Administración de Loterías Nº1 de Ribeira, no atrio da Igrexa de Ribeira (Praza de Otero Goyanes).

Moitísimas Gracias pola vosa colaboración e mil disculpas por este cambio de última hora.

Xa é día 28

E como non queremos faltar á cita, aquí tedes unha nova edisión de La Vos de Jalisia, ese notisiario dorneiro que conta verdades coma puños.

Disfrutade del cun soriso na cara.

Partido benéfico con sabor dorneiro

Este fin da semana despois das Festas de Noiteboa e Nadal volta o futbol entre peñas dorneiras, dúas das peñas máis multitudinarias e participativas da Festa da Dorna xogan este domingo 26 de Decembro de 2010 dende as 15:46 no Campo da Tasca (Aguiño),
                       Estou que Escacho  
                                 vs
                          Arría o Jallo 
van saltar chispas tanto na versión feminina como na masculina.

Ademáis da Festa que supon de por si, este evento ten un claro caracter solidario pois todo o recaudado doarase para a Loita contra a Esclerose Múltiple. Así que non o dubides máis pasa unha tarde de domingo colaborando nunha boa causa (donativo 2€) e disfrutando dun evento de alto contido deportivo.

Lotería Dorneira de Nadal

Este ano na Lotería Dorneira de Nadal (LDN)  tampouco tocou o gordo, estibemos mais preto que outras veces xa que temos o reintegro. Podense recuperar os 4€ xogados por participación, depositados na oficina do Banesto de Ribeira, pois 1€ é o donativo para a A. C. Real e Ilustre Cofradía da Dorna. Moitas gracias a todos por colaborar tanto aos que repartiron as participacións de lotería como a todos os que colaborades mercandoas.

Volveremolo intentar o próximo ano.


Boas Festas!!!!

Andaina Novembro: Palmeira

Nesta ocasión e debido ó mal tempo a andaina rexistrou pouco máis de 30 participantes, que non arredraron da choiva e dispuxeron a saltar pozas e enfangar os pes.

Puntualmente, tal e como estaba establecido, saimos do campo de futbol de Palmeira e xa nos adentramos en camiños de monte dende o Km. 0; e ainda que na primeira parte do percorrido ata Moldes e quizais dónde máis dura se facía a camiñata a choiva dounos unha tregua (pero amenazou todo o tempo) foi na segunda parte cando xa non nos abandonou poñéndonos coma sopas.

Nesta ocasión acompañounos un equipo da TVG, do programa "O Gran Cambio" (que se emitirá a partir de decembro, e xa trataremos de avisarvos do día de emisión) grabando gran parte do percorrido. Poñemos aquí a foto do cámara porque tivo o seu mérito por ir cargando ca cámara coma un campeón sen deixar de sorir. Vaia molladura pillou o home.

Xa sabedes que tedes máis fotos desta andaina (non moitas que chovía e se nos mollaban as cámaras) e das anteriores en: http://picasaweb.google.com/noticiasdorneiras/PonteAAndar2010

A DESTACAR: QUE COMO É DE BEN NASIDOS SER AJRADESIDOS, aquí van estas letras para Manolo do Clube de Futbol de Palmeira que nos abreu as instalacións para que gardáramos os coches, e ó rematar non só nos dou teito, senon un café quentiño que sentou no corpo mellor ca un bo lacón con jrelos.

Andaina 21 de novembro: Palmeira

Saida: Campo de Futbol de Palmeira (o novo)
Día: Domingo 21 de novembro
Hora: 10.00 h. (prevista finalización 12.00 h)
Inscrición: Gratuita e libre (hai que aparecer alí á hora especificada)

Ruta de 9 km. que parte do campo de futbol de Palmeira, subindo a
Moldes, e baixando á Tomada, para volver a rematar no campo de futbol.

A primeira metade da andaina terá unha lixeira pendiente ascendente,
por camiños de monte, polo tanto hai que ir poñéndose en forma e
jastando suela para que lojo non nos castijen os callos.

Ainda que chova alí estaremos.

Lotería Dorneira de Nadal

Dende fai uns días están a circular por Ribeira as participacións da Lotería Dorneira de Nadal, o número 27130, posible gordo de este ano, vendese en participacións como colaboaración coa A. C. Real e Ilustre Cofradía da Dorna. Trátase de participacións de 5€ dos cales xogas 4€ e aportas 1€ para as actividades da cofradía, entre as que se sobresae a nosa querida Festa da Dorna.
Poderás atopala nas fanequeiras autorizadas A Taberna do Riaso e O Triskel. Ademáis si lle preguntas a calqueira dorneiro indicarache quen ten.

No te demores que a última vez que se fixo acabouse toda, de ti depende que non sobre. E si toca???