APLAZADAS ACTIVIDADES SABADO 27 XULLO

A Asociación Cultural R. e I. Cofradía da Dorna toma a decisión de aplazar as actividades previstas para o Sábado 27 de Xullo de 2013, dentro da LXV Singladura da Festa da Dorna, con ánimo de solidarizarse coas víctimas do tráxico accidente ferroviario acontecido en Santiago e cos seús familiares, apoiando así os 7 días de luto declarados pola Xunta de Galicia.

As actividades previstas para ese día pasarán a organizarse o vindeiro Sábado 10 de Agosto para así non pisar as Festas de Agosto. Estas actividades son a Regata de Dornas a Remo, organizada polos Berberechos Asasinos, celebrarase ás 17:02 no porto de Ribeira e o Baile de Gala que se celebrará ás  23:32 no Circulo Mercatil de Ribeira e aprobeitamos para insitir na necesidade de vestir de gala para acceder a o Baile. Alí realizarase a entrega do máximo distintivo da Festa da Dorna, a Poutada de Ouro.

Aviso a Navegantes

Trala derradeira asamblea de peñas dorneiras celebrada o pasado 6 de Xullo de 2013, á cal asistiron perto de 60 peñeiros, quedaron pechadas todas as actividades da LXV Singladura da Festa da Dorna. Están repartidas todos os xogos, chiringuitos, turnos do Juateke e do Baile de Gala, confirmadas as actividades novas como son a Regata de Dornas a Remo que terá lugar o Sábado 27 de Xullo organizada polos Berberechos Asasinos, o Carnaval Dorneiro que terá lugar o Domingo 21 de Xullo organizado polos Carallos de Rei, xusto antes do Carnaval, 25º aniversario dos Ratos da Illa na Fanequeira Capri que contará cun concerto de A Rebanda e xusto despois  do Carnaval, 10º Aniversario dos Pintos Joden Quintos na Fanequeira Ventos Vellos que será un MacroKaraoke.

En canto a actividades que teñen matices temos as seguintes:

-Canción de Tasca (Tabeiróns Caralludos): non estarán permitidos instrumentos eléctricos, nin cds, so instrumentos tradicionais (guitarra española, gaita, pandereta,...) Apuntarse xa na Fanequeira Bar Plaza.

-Enjalanamento de Fanequeiras (Muxo Beti e Ratos da Illa) Apuntarse xa nas Fanequeiras Pepe's e Capri. Só poderán participara fanequeiras autorizadas.

-Top Secret: este ano só se poderá ir andando, non están permitidos vehiculos (nin tractores, nin camións, nin coches,....) e como nos últimos 20 anos non está permitida a auga no desfile nin na propia festa , o cal será motivo de expulsión da Festa da Dorna como tristemente aconteceu o ano pasado coa ex-peña Calamar do Miramar a cal quedou fora da Festa da Dorna por este motivo co cal non poderán participar en ningunha actividade dorneira, nin xogo algún ao non ser peña dorneira.

-Voo sen motor (Vikinjos da Tomasa): este ano non haberá temática nin indultos, toda peña que  queira participar terá que ir ao mar.

-Jran Prix de Carrilanas (Arría o Jallo): este ano para participar nos premios será obligatorio levar eixes de madeira contra rodas de madeira (madeira con madeira), si se leva tubo de ferro poderase baixar sin optar a premio. Ademáis coma todolos anos exisese un estado aceptable dos tripulantes e sobre todo levar casco para poder baixar.

-Maratasón (Carallos de Rei): Saida e apuntarse no Jarsía Bayón as 20:00, a final será despois durante o Rockandorna do país.

-Baile de Gala: impresindible ir vestido de gala para poder asistir, vamos como si túa nai te escollese a roupa da boda da túa irman (non vaquero, nin vestidos de praia, nin tenis, nin changletas, nin camisetas, nin polos,....). É unha actividade voluntaria que so ten ese requisito por favor colaborade e evitade discusións e malos tragos innecesarios.

Para rematar recordar que a Asociación Cultural R. e I. Cofradía da Dorna non autorizou a ningunha empresa, asociación, establecimento comercial ou de hostelería, nin particular a lucrarse cos simbolos da Festa da Dorna (sexan letras, flor ou carteis) nin da propia R. e I. Cofradía da Dorna (sexan logo ou símbolos). Tamén cabe mencionar que ser establecimento colaborador tampouco da permiso a lucrarse de vender os símbolos dorneiros tales como a flor da dorna. Todos os productos dorneiros legais anunciaránse no blog ou venderánse nos chiringuitos dorneiros (tales como chapas e sudadeiras). 

Non fomentes estas prácticas que perxudican á Festa da Dorna e a todas as actividades da Cofradía!!!

Tras o momento serio veñen máis novas, durante a Predorna teredes concertos nas fanequeiras:

- A Caseira:

            Martes 16: 23:00 A Rebanda,  

            Mércores 17 23:00 Litrisistas, 

            Xoves 18 23:00 The Covers + Dani DJ

-Capitan Morgan:

            Xoves 18: Almost Europe the band e Os Prestados)

- Bretema:

            Xoves 18: 23:00  Thais e Loren

-Abuela Gloria:

            Xoves 18: 23:00 A Rebanda

Peñas asistenteas a cuarta e derradeira asamblea de peñas:

Comando Dorneiro
Carallos de Rei
Arria o Jallo
Muxo Beti
Os Pintos Joden Quintos
A Nasa
Derrape Mental
As truchas chuchan chuchas
Delirios Tremens
Volandeiras en Salsa de Chumeira
Os Serrans mais Marrans
Mexillons mais Cabrons
As Sijalas do Koala
Pirañas van de Cañas
Kao Bois
Me Aplaude la Almejita
Caracolas en Sirolas
Ratos da Illa
Pescadillas con Ladillas
Lenjuados Envriajados
Berberechos Asasinos

Feitos Polvo

AVANTE SARDIÑEIRO!!!!!!

Entrega novos carnets de Dorneiro Acreditado

Este Xoves 18 de Xullo a R. e I. Cofradía da Dorna fará entrega dos novos carnets a os socios e socias da Asociación Cultural R. e I. Cofradía da Dorna, a entrega farase no local da asociación (Palco de Pedra) en horario de mañán de 12:00 a 13:30 e de tarde de 21:00 a 22:30. Estes novos carnets xa están actualizados, unha vez feita a renumeración e tramitadas todas as baixas tanto as solicitadas, como as debidas a cuotas devoltas ou impago.

Si eres socio e estánseche pasando as cuotas, a última debeu chegarte a primeiros deste mes, vente a polo teu novo carnet de Dorneiro Acreditado. Si non recibiches a cuota fai o favor de poñerte en contacto coa cofradía canto antes: real-e-ilustre@cofradiadadorna.com non te quedes fora desta asociación.

Moitas Gracias a tod@s por interesarvos en formar parte desta asociación sin vos non sería posible levala adiante, manter as Dornas da Cofradía e a Escola de Vela, facer asa actividades que se levan adiante ao longo do ano (Torneo Benéfico de futbol entre peñas, Cea-Baile, La vos de Jalisia, Andainas en barco,...) e sobre todo a Festa da Dorna.

Resultado I Torneo de Futbol entre Peñas Dorneiras

Esta nova iniciativa da Asociación Cultural R. e I. Cofradía da Dorna celebrada entre o Sabado 29 e Domingo 30 de Xuño foi todo un éxito. Contouse coa participación de 13 equipos de peñas dorneiras, algún deles foi unha fusión de peñas pequenas, houbo equipos mixtos como Os pintos joden quintos, Lenjuados Envriajados,...Tamén houbo bastante público tendo en conta que era o primeiro fin de semana con tempo de verán, 30ºC e o campo desprendía moitísima calor, pero pese a todo a marea dorneira sempre resposta e cando a cousa merece a pena moito máis. Entre xogadores/as, organizadores e público rondaronse as 300 entradas que como todo o mundo sabe podían ser 2€ ou 2 Kg de comida.

 

No total xuntaronse só no campo 236 Kg de comida non perecedera e cos cartos recaudados comprouse más alimentos xa aconsellados pola Cruz Bermella (270 botellas de aceite e 150 kg de peladillos) para chegar a un total de 656 Kg de alimentos conseguidos por todolos dorneiros implicados.

Representantes da R. e I. Cofradía da Dorna fixeron entrega no local da Cruz Bermella de Ribeira do recaudado no campo o pasado Sabado 6 de Xullo ás 12:00, mentres que o luns 8 de Xullo recibiron o aceite do HiperGadis e a fruta de Mercabarbanza para proceder o seu reparto instantáneo.

Por outra banda nos partidos do domingo houbo moita emoción resolvéndose varios partidos a penáltis, un de cuartos, unha semifinal e incluso a disputadísima final entre Os Pintos Joden quintos e As Javotas van Jopas. Antes da final celebrouse un sorteo entre todas as entradas que se lle entregaron á xente que asitíu e entregou alimentos ou 2€, e tamén ás peñas que entregaron lotes de alimentos tales como As Pescadillas con Ladillas, Muxo Beti... que tamén recibirón as súas entradas. Houbo 2 premios de productos dorneiros, solicitamos a man inocente de Millán para sacar os dous gañadores saíndo os números 3841 (a súa portadora estaba presente posto que era xogadora dos Pintos Joden Quintos e 3854 que todavía non apareceu así que si tes este número ponte en contacto coa cofradía: real-e-ilustre@cofradiadadorna.com unha sudadeira dorneira (ano anterior) e unha botella de Licor café estante esperando.

Dende a Asociación Cultural R. e I. Cofradía da Dorna queremos agradecer a súa colaboración a: Asamblea de peñas por volcarse con esta inciativa e estar ahí presentes un boa representación de peñeiros. O Salvora CF que nos axudou no diseño do torneo, nas bases e  na distribución dos múltiples partidos, ademáis de cedernos os seus balóns. O Concello de Ribeira por facilitarnos as instalacións e os arbitros. A Xavi Falque da peña a Nasa e premio A Jata ruín de la praia da LXV Singladura da Festa da Dorna por diseñarnos o cartel deste torneo.

Moitas Gracias a todos por estar ahí apoiando a R. e I. Cofradía da Dorna!!!!

Cuarta e Derradeira Asamblea de Peñas Dorneiras

Este Sábado 6 de Xullo de 2013 terá lugar a Cuarta e Derradeira Asamblea de Peñas Dorneiras de cara á Celebración da LXV Singladura da Festa da Dorna.Como as asambleas anteriores celebrarase no salón de Actos da Casa do Mar de Ribeira (debaixo do clube de Xubilados).

O principal tema a tratar será a organización dos múltiples xogos e actividades que conforman a Festa da Dorna, como na anterior asamblea quedaron abertos moitos xogos, sen confirmación dos organizadores e actividades con falla de colaboración, solicitase a tódalas peñas a asistir a esta derradeira asamblea, non esquezades que a Festa da Dorna facémola os dorneiros.

As peñas veteranas deberán confirmar xá se continúan a organizar os xogos, se collen os chirinjitos dorneiros e se voltan axudar no que levaron os anos anteriores, si non outras peñas poderán asumir ditos xogos ou chirinjitos xa nesta asamblea e ademáis tede en conta a necesidade de colaboración para poder levar adiante o Juateke Dorneiro, que é unha das actividades máis exigentes a nivel organizativo.

Como nas asamblea anteriores comentaranse todas as ideas que teñades, novas propostas de xogos e actividades, tede en conta que toda debe ser encaixados dentro da Festa, sin pisar as actividades que xa están en marcha. Si sodes peña nova a que esperades vindevos apuntar e comezade con ganas na Festa da Dorna, ademáis sabedes que si non vos apuntades non se vos poderá ter en conta para imprescindible Exame de Patróns.

Ademáis nesta asamblea serán presentadas as bases definitivas de diversos xogos tales como o Certame Itinerante de Canción de Tasca, o Jran Prix de Carrilanas, o Jran Premio Ícaro de Voo sen Motor, Rejata de Dornas a Remo,.... e para rematar os grupos interesados en participar no Rockandorna do País, que non o fixeran xá, poderán informarse nesta asamblea.

Non deixes de vir tomarase lista!!!!!!!!!

Xa está a subir a marea dorneira. AVANTE SARDIÑEIRO!!!!!!

Sudadeiras Dorneiras 2013

 Non sabes que se leva este ano??, pois aquí tes a resposta, levase o azul Salvora cor das Sudadeiras Dorneiras 2013 que van encher Ribeira cual marea e lucirán o gran deseño de de Xavi Falque da peña A Nasa, Premio A Jata ruín de la Praia nesta LXV Singladura da Festa da Dorna. 

Dende mañán Mércores 3 de Xullo estarán á venta como todos estes anos na tenda Podium sport, aquí tes o mapa por si non sabes onde queda, e si non podes agardar tanto, merca xa a túa sudadeira na súa tenda online.

As sudadeiras van manter o seu precio de estes últimos anos 14€, e sabes que este é un auténtico producto dorneiro que repercute directamente na Festa da Dorna.
Non quedes sin vestir a Sudadeira Dorneira 2013.

A 17 días da Festa da Dorna.

Primeiro día da I Liguilla Benefica de Peñas Dorneiras

Hoxe perto de 250 peñeiros subiron o campo sintético da Fieiteira para pasar unha boa tarde xogando ao futbol entre peñas e facendo unha boa labor doando comida para a Cruz Bermellla.

Aquí van os resultados e como quedaron as distintas peñas:

 

Mañan máis non deixes de vir o campo esperamoste dende as 16:00, puntalidade dorneira.

Primeira Liga Benefica de Futbol entre Peñas Dorneiras

Este Sábado 29 de Xuño de 2013 todos o campo sintético da Fieiteira dende as 16:15 teremos futbol entre peñas, I Liga de Futbol Benéfica entre Peñas Dorneiras, organizada pola Asoc Cult R. e I. Cofradía da Dorna, primeiras rondas a futbol 7, dous partidos á vez e rondas finais a futbol 11 para non perder detalle.

Non esquezas traer os teus 2Kg de alimentos non perecederos tanto si ves a xogar como si ves a animar, si te olvidas deberás aboar 2€ para invertir en comida e entregarlle o maior lote posible o Banco de Alimentos da Cruz Bermella.

Coma sempre hai que ser agradecidos, sin vos non sería posible:

-Salvora CF

-Asamblea de Peñas

-Concello de Ribeira

A continuación deixamos a distribución por grupos, os horarios é as bases do torneo:

Comezamos co Sábado:

 O Domingo continúa o espectaculo deportivo:

Hai que ter normas así que todos a cumplilas:

REGLAMENTO TORNEO PEÑAS DORNEIRAS

NÚMERO DE XOGADORES

• Poderan anotar os equipos a tódalas persoas que o desexen.
• Cambios ilimitados (Tipo Fútbol sala). Tan só deberán entrar e sair os xogador@s polo centro do campo.

NORMAS DO XOGO

DURACIÓN DOS PARTIDOS:

• FASE DE GRUPOS: 15 MINUTOS POR PARTE, DESCANSO DE 5 MINUTOS. FÚTBOL 7
• CUARTOS: 20 MINUTOS POR PARTE, DESCANSO DE 5 MINUTOS. FÚTBOL 7
• SEMIFINAIS: 20 MINUTOS POR PARTE, DESCANSO 5 MINUTOS. FÚTBOL 11
• FINAL: 20 MINUTOS POR PARTE, DESCANSO 5 MINUTOS. FÚTBOL 11

CLASIFICACIÓN E PENALTIS:

·         CLASIFICARANSE PARA CUARTOS OS DOUS PRIMEIROS DE CADA GRUPO.

·         CRITERIOS DE CLASIFICACIÓN PRIMEIRA ROLDA, CASO EMPATE A PUNTOS:

1.      DIFERENCIA DE GOLES TOTAL DA ROLDA.

2.      MAIOR NÚMERO DE GOLES OBTIDOS NA ROLDA.

3.      MENOR NÚMERO DE GOLES ENCAIXADOS NA ROLDA.

4.      PARA EVITAR UN SORTEO O FINAL DE CADA PARTIDO LANZARASE UNHA TANDA DE PENALTIS DE UN LANZAMENTO ATA QUE UN EQUIPO FALLE E O VENCEDOR SUMARÁ UN PUNTO PARA O CASO DE EMPATE A PUNTOS

5.      SE CON TODO ESTO PERSISTISE O EMPATE REALIZARÍASE UN SORTEO.

·         CRITERIOS DE DESEMPATE EN CUARTOS, SEMIFINAIS E FINAL:

1.      RONDA DE TRES PENALTIS POR EQUIPO.

2.      RONDA DE UN PENALTI POR EQUIPO ATA QUE UN DOS DOUS FALLE.

o   Nota: Os lanzadores sólo poderán repetir cando teñan lanzado todos os componentes do equipo.

PUNTUACIÓN CAMPIONATO:

·         PARTIDO GAÑADO: 3 PUNTOS.

·         PARTIDO EMPATADO: 1 PUNTO.

·         PARTIDO PERDIDO: 0 PUNTOS.

O Salvora CF volta a colaborar coa Dorna

O Salvora CF vai axudar coa súa experiencia á Asociación Cultural R. e I. Cofradía da Dorna a organizar o Torneo Benéfico de Futbol entre Peñas que tera lugar o derradeiro fin de semana de Xuño, Sábado 29. Os beneficios serán destinadas o Banco de Alimentos da Cruz Bermella, xa que tanto os xogadores como o público deberán aboar 2 Kg de alimentos non perecederos ou no seu defecto 2€.

 

Xa hai unha ducia de peñas inscritas, non esperes máis e apuntate no correo: real-e-ilustre@cofradiadadorna.com

Voltando á colaboración do Salvora CF que xa durante a tempada dedicou a taquilla dun partido a colaborar coa Festa da Dorna volta a colaboar coa R. e I. Cofradía da Dorna unha vez rematada a temapada. Cabe recordar que este Domingo 23 de Xuño ás 18:00 xogan polo ascenso e chega o momento de facer piña, únete e fai da Fieiteira unha Caldeira.

  

Todos co Salvora CF a polo ascenso!!!!!

Conclusións Terceira Asamblea de Peñas

O Sábado 1 de Xuño de 2013, ás 20:01 horas, na Casa do Mar de Ribeira tivo lugar a Terceira Asamblea de Peñas de cara á celebración da LXV Singladura da Festa da Dorna, unha asamblea mermada de asistentes pola coincidencia co final da liga de futbol. 

Os 20 peñeiros alí presentes debatiron principalmente sobre os xogos dorneiros, os Tabeiróns Caralludos comentaron as primeiras novas das bases que están a preparar para o Certame Itinerante de Canción de Tasca, donde xa non estará permitido participar con instrumentos eléctricos, nin levar cds ou similares con fin de seguir mantendo o espiritu das cancións de tasca.

Os Berberechos Asasinos viñeron con varias propostas e este ano vanse facer cargo do retorno da Carreira de Dornas a Remo (falamos de dornas de verdade non feitas a machada) esta Carreira terá lugar o día do Baile de Gala, Sábado 27 de Xullo, polo día, na seguinte asamblea comentarán máis sobre o tema. Por outro lado propuxeron que todas as peñas voluntariamente colaborasen coa cofradía cunha parte simbólica dos séus presupostos, esta idea xa a trouxeron fai dúas singladuras os Muxo Beti, coa súa idea de facer peñas socias, esta peña leva colaborando económicamente dende entonces e á cal se uniron Os Rapantes o ano pasado. Dende a R. e I. Cofradía da Dorna agradecese calquera colcaboración voluntaria e todas sairán reflejadas no Caderno de Bitácora como colaboracións especiáis.

Ademáis de isto as peñas asistentes soliciaron á R. e I. Cofradía da Dorna  a desaparición dos indultos nos xogos dorneiros, esto ven debido ao indulto do magnífico avión das Caracolas en Xirolas no Voo sen motor do ano pasado, dende a Cofradía entendese o xesto do indulto pero rogase que non existan esas diferencias e que se asuma que todas as construccións dorneiras teñen como obxetivo participar e eso pode implicar que non sobrevivan a cada singladura.

Tras isto fixose un repaso polos diversos xogos dorneiros preguntando si as peñas que os organizaban querían continuar, as peñas presentes confirmaron os seús xogos, no obstante quedaron moitos abertos para a seguinte asamblea debido a falta de representación de numerosas peñas colaboradores. Esperase pechar a citada colaboración na Cuarta e derradeira asamblea de peñas, dende a R. e I. Cofradía da Dorna invitase a asistir a todolos peñeiros e sobre todo a colaborar para que todas as actividades poidan continuar e si pode ser engadir algunha máis.

Nesta asamblea apuntaronse dúas peñas novas: Os Meljachos van de Capachos e As Luras andan duras.

Xa fora da Festa da Dorna en si, recolleronse varios formularios para facerse socios da Asociación Cultural R. e I. Cofradía da Dorna, agora só se poderán entregar vía mail: real-e-ilustre@cofradiadadorna.com ata o 15 de Xuño de 2013, xa que as cuotas se pasarán o Luns 17 de Xuño.

Por último varias peñas se inscribiron no Torneo Benéfico de Futbol entre Peñas, non o deixedes para mañán apuntadevos xa en real-e-ilustre@cofradiadadorna.com os equipos poderán ser mixtos, primeiras rondas xogaranse a futbol 7 e a final a futbol 11. O torneo é a beneficio do Banco de Alimentos da Cruz Bermella polo cal todos os xogadores/as e o público deberan aboar 2Kilos de alimentos non perecederos ou 2€ que serán gastados en alimentos.

Que non se quede fora a túa peña!!!

As peñas asistentes á terceira asamblea foron:

-Cabuxos do Mar

-Lenjuados Envriajados

-Pescadillas con ladillas

-Feitos Polvo

-As Truchas chuchan chuchas

-Berberechos Asasinos

-Os Pintos joden Quintos

-Tabeiróns Caralludos

-Me aplaude la almejita

-Caracolas en Xirolas

-Muxo Beti

-Arría o Jallo

-Carallos de Rei