Crónica da Andaina na Illa de Ons

O día presentouse pouco amigable, pero tras negociar in extremis co home do tempo acordouse que non iba a chover en todo o día, e as partes cumpliron o pactado (a Cofradía tívolle que pajar 100 Eurasos senon non ablandaba, e amenasaba con mandar tronada).

Saimos con puntualidade inglesa do porto de Ribeira: 149 ocupantes dos 150 inscritos, algún desertor de última hora que tivo medo ó vento do nordés.

Nada máis sair do porto os toniños achegáronse a despedirnos ós costados do Delfín Primero (así se chamaba o barco que nos levou a Ons) facendo sorrir ós nenos, e disparar as cámaras de fotos ós pais. A bo seguro un recordo inesquecible para moitos dos tantos que nos trouxemos hoxe de alí.

Para facer mais amena a xeira, o capitán Carlos permiteu ós nenos que iban a bordo facerse cos mandos da nave nun motín amigable, e que voltou a deixar unha pegada imborrable nas lembranzas dos mais cativos.

Aproveitouse por parte da Cofradía da Dorna, en colaboración con Nautica A Poutada, entregarlle un obsequio a Pachicho (Francisco Reiriz Sampedro) pola voluntaria, desinteresada e sempre benvida colaboración que ofreceu, ofrece e sabemos que ofrecerá ainda que non se lle pida.

Chegada á hora prevista a Illa e tra-las pertinentes indicacións enfilamos cara ó mirador de Fedorentos, cunhas vistas impresionantes da illa de Onza e das Cies.

Rumbo para o Burato do Inferno, no que se fixeron grupos de 20-30 persoas para extrema-la seguridade, ainda que se ralentizara a visita. Logo de alí, un agradable paseo pola cara oeste da illa, hacia o Faro. Paisaxe impresonante nun medio natural digno de ser visitado e conservado coma se merece.

Logo do reagrupamento, descanso e fotos no faro puxemos rumbo a punta Centolo, sen poder completar a ruta ata o mirador pois as aves están en época de cría e non procedía continuar (ainda que por si se nos esquecera unha bandada de gaivotas fíxonos a acordante), un pouco desilusionados por non poder completar o percorrido, pero a ledicia de atopar tan chea de vida aquela zona.Baixada á praia de Melide ca súa espectacular area blanca e augas cristalinas, para nun curto paseo chegar de novo á aldea a hora prevista (14.00 h.) xusto para botar mans ó bocata e dar boa conta del.Tarde libre para voltar sobre as pegadas a visitar aquelo que mais nos gustou ou tirarnos na area a durmi-la sesta pois a climatoloxía deu tregua e ata algúns atrevidos pegáronse un baño.

Ás 18.00 h. partíamos de novo da Illa de Ons iniciar de novo unha xeira mais movida e mais divertida gracias ó mar de fondo que se levantou. Sen incidentes, con algún mareo, e moitos e moi bos recordos chegamos á hora prevista ó porto de Ribeira.

Punto e aparte ó programa de andainas Ponte a Andar que con tanto éxito desenrolou a Cofradía da Dorna ó longo do 4º trimestre do 2008 e o 1º do 2009, poñendo a guinda con esta visita á Illa de Ons.

Volverán mais andainas e mais actividades, pero agora o que toca é a LXI Singladura da Festa da Dorna.

Tódalas fotos en: http://picasaweb.google.com/noticiasdorneiras/AndainaIllaDeOns2009#